Eftir undanúrslitaleik Hauka og Njarðvíkur í Subway- bikar kvenna var tekin sú ákvörðun að segja upp samningi við Shantrell Moss, erlendan leikmann félagsins.

Eftirfarandi yfirlýsing barst umfn.is frá kvennaráði kkd UMFN:

"Kvennaráð kkd UMFN ákvað eftir undanúrslitaleik Hauka og Njarðvíkur í Subway- bikar kvenna að segja upp samningi við Shantrell Moss, erlendan leikmann kvennaliðs Njarðvíkur.  Undanfarnar vikur hafa einkenst af spennu og samskiptaörðuleikum á milli leikmanna/þjálfara og stjórnar annarsvegar og leikmansins hinsvegar.  Kvennaráð harmar að þurfa að taka þessa ákvörðun en ástandið var orðið yfirþyrmandi.  Óskum við Santrell velfarnaðar í framtíðinni.  Ekki hefur verið tekin ákvörðun um ráðningu annars erlends leikmanns að svo stöddu".

Það er því ljóst að Njarðvíkurstelpur leika á erlends leikmans gegn Val ámiðvikudaginn kemur í Iceland Express- deildinni.  Shantrell Moss lék í heild 16 leiki fyrir Njarðvík, (3 í bikar og 13 í deild) og var með um 30 stig að meðaltali, tók um 10 fráköst og 3 stoðsendingar.  Það er engum blöðum um það að fletta að stúlkan atarna er gríðarlega öflugur leikmaður og gerði oft á tíðum frábæra hluti.  En körfubolti er nú einu sinni liðsíþrótt og það þurfti engan snilling til þess að átta sig á því að það var eitthvað verulega mikið að þegar kom að mannlega þættinum.  Sérstaklega var grátlegt að verða vitni að leiknum á Ásvöllum í kvöld. 

Vonandi ná stelpurnar að snúa bökum saman og koma sterkar til leiks þrátt fyrir tímabundið mótlæti.

Áfram Njarðvík!

Shantrell Moss hefur leikið sinn síðasta leik fyrir Njarðvík. (mynd: vf.is)