Halldór Geir Heiðarsson ráðinn aðstoðarþjálfari meistaraflokks karla í Njarðvík!
Knattspyrnudeild Njarðvíkur hefur gengið frá ráðningu Halldórs Geirs Heiðarssonar, Donna, sem aðstoðarþjálfara meistaraflokks karla næstu tvö árin.
Donni er mjög efnilegur þjálfari sem ættaður er frá Húsavík og kemur til Njarðvíkur með reynslu úr m.a. þjálfarateymum Þróttar R., Leiknis R og nú síðast HK.
Donni mun útskrifast í nóvember með UEFA Pro þjálfaragráðuna, hæstu evrópsku þjálfararéttindin og verður þar með einn af yngstu Íslendingunum til að ljúka þeirri gráðu.
Stjórn Njarðvíkur er gríðarlega ánægð að fá Donna inn í þjálfarateymið.
Hann kemur inn með mikla tækniþekkingu og mikinn metnað sem mun styrkja félagið til framtíðar.
Njarðvík býður Donna hjartanlega velkominn til Njarðvíkur og hlakkar til samstarfsins á komandi tímabilum.
