Sigurjón Már framlengir!
Sigurjón Már Markússon hefur framlengt samning sinn við Knattspyrnudeild Njarðvíkur til ársins 2027.
Sigurjón sem spilar stöðu hafsents, er fæddur árið 1998 og kom fyrst til okkar í Njarðvík fyrir tímabilið 2022 og hefur því leikið með Njarðvíkurliðinu í 4 ár. Nú ætlar hann að framlengja veru sína í Njarðvík um 2 tímabil, hið minnsta.
Sigurjón hefur verið lykilmaður í Njarðvíkurliðinu allt frá komu sinni til félagsins, hjálpað liðinu upp um deild, og nú síðast að ná besta árangri í sögu félagsins á síðustu leiktíð.
Sigurjón hefur leikið 113 leiki í heildina fyrir UMFN og skorað í þeim 3 mörk.
Alls á Sigurjón 200 meistaraflokksleiki á vegum KSÍ.
Það er mikið gleðiefni að halda Sigurjóni áfram í herbúðum Njarðvíkur enda búinn að vera frábær leikmaður fyrir félagið síðustu fjögur árin.
Knattspyrnudeildin óskar Sigurjóni til hamingju með nýja samninginn!