Tíu í 100 leikja klúbbnum: Tvíburarnir með þeim leikjahæstuPrenta

Nýverið var greint frá því að tvíburasysturnar Anna og Lára Ásgeirsdætur hefðu nú lokið sínum spilaferli með kvennaliði Njarðvíkur. Þær kvöddu klúbbinn sem margfaldir meistarar bæði í yngri flokkum og meistaraflokki. Það sem kannski færri vita er að áður en þær kvölddu Njarðvík höfðu þær komið sér í góðan en fámennan hóp en það er 100 leikja klúbburinn fyrir Njarðvík í úrvalsdeild.

Bæði Anna og Lára komust á topp 10 listann áður en þær hættu yfir þá leikmenn sem hafa leikið flesta leiki í deild og úrslitakeppni í úrvalsdeild með Njarðvík. Anna Lilja er reyndar þriðji leikjahæsti leikmaður Njarðvíkur frá upphafi í úrvalsdeild kvenna með 132 leiki á bakinu í deildar- og úrslitakeppni. Skammt á hæla hennar er Lára í 8. sæti listans með 112 leiki. Eini virki leikmaðurinn með þeim á listanum í dag sem spilar enn með Njarðvík er fyrirliðinn okkar Krista Gló Magnúsdóttir sem komin er með 123 leiki fyrir Njarðvík og vermir því 5. sætið.

Það er þó enn hún Auður Jónsdóttir sem á flesta leiki að baki með Njarðvík í deild- og úrslitakeppni en þeir eru samtals 157, í öðru sæti er Erna Hákonardóttir með 150 leiki. Hér að neðan má sjá topp tíu listann yfir leikjahæstu leikmenn kvennaliðs Njarðvíkur í úrvalsdeild frá upphafi:

Þá styttist einnig í að það fjölgið í 100 leikja klúbbnum en ekki langt undan eru þær Hulda María Agnarsdóttir (79 leikir) og Sara Björk Logadóttir (83 leikir).