Fyrsti samningur hjá Adolf Þór Haraldssyni!
Adolf Þór Haraldsson hefur skrifað undir sinn fyrsta samning við Knattspyrnudeild Njarðvíkur sem gildir út árið 2029.
Adolf er efnilegur leikmaður fæddur árið 2007 og kemur upp úr yngri flokkum félagsins.
Adolf á 2 meistaraflokksleiki á vegum KSÍ fyrir Njarðvík, en þeir komu báðir í Lengjubikarnum í fyrra, 2025.
Í framhaldi af undirritun á samningi sínum við Njarðvík heldur Adolf á lán hjá Víðir Garði þar sem hann mun koma til með að spila með þeim í 3.deildinni í sumar og öðlast mikilvæga reynslu.
Við óskum Adolf til hamingju með nýja samninginn, og óskum honum jafnframt góðs gengis hjá Víðir Garði í sumar!