Njarðvík heimsækir Þór Þorlákshöfn í kvöld í fjórða leik liðanna í 8-liða úrslitum Subway-deildar karla. Leikurinn hefst kl. 19.30 í Þorlákshöfn og er staðan 1-2 fyrir Þór. Ekkert annað en sigur dugir okkar mönnum til að færa einvígið aftur í Ljónagryfjuna og í oddaleik.
Njarðvík tók 1-0 forystu í einvíginu á 80 ára afmælisdegi félagsins en Þórsarar unnu næstu tvo leiki sem báðir voru æsispennandi. Það er því deginum ljósara að Græna Hjörðin þarf að fjölmenna í Þorlákshöfn í kvöld og styðja okkar menn í því að færa oddaleikinn heim í Ljónagryfjuna.
Þórsarar verða með grillin í gangi fyrir leik svo það ætti enginn að verða svangur yfir leik kvöldsins.
Áfram Njarðvík
![](https://umfn.is/wp-content/uploads/2019/08/grjotgardar-logo.png)