Margvísleg markmið á Ármannsmóti Góð þátttaka var á Ármannsmótinu í ár og voru mótshlutar nokkuð langir. Sundmenn voru þó þolinmóðir, nutu samverunnar og náðu góðum tímum. Þjálfararnir stóðu sína vakt með sóma og aðstoðu sundmenn í hvívetna við að ná markmiðum sínum. Markmið yngstu sundmannanna voru að synda nýjar greinar og ná viðmiðum til þess að færast upp um hóp eftir páska. Foreldrar munu verða látnir vita í þeim tilvikum. Í flestum yngri hópunum eru aðeins 1,5 mánuður eftir af sundárinu þar sem yngstu krakkarnir fara í sumarfrí eftir Landsbankamótið og Lokahófið okkar. Fyrir unga sundmenn sem komnir eru aðeins lengra var markmiðið byrja að ná AMÍ lágmörkum eða bæta við fleirum fyrir Aldursflokkameistaramót Íslands – sem er eftir aðeins 12 vikur! Nú er rétti tíminn til að leggja sig virkilega vel fram! Það eru bara nokkur mót eftir þar sem hægt er að ná lágmörkum, þau stærstu eru Landsbankamótið og Akranesleikarnir. Elstu sundmenn okkar eru í lokaundirbúningi fyrir mikilvægasta mótið þeirra í langri laug á árinu-ÍM50-sem verður eftir tæplega 2 vikur en árangurinn á Ármannsmótinu gaf góðar vísbendingar um styrk okkar. Mörg glöð andlit, full sjálfstrausts sáust um helgina með þá vissu að vinnan sem þau eru búin að leggja á sig er að skila sér. En nú er ekki tími til að slóra-tvær vikur einbeitningar og starfestni mun verða lykillinn að enn betri frammistöðu á meistaramótinu. Hér fyrir neðan eru úrslit og met. Vel gert allir saman! Úrslit Ný met á Ármannsmóti Eydís Ósk Kolbeinsdóttir 200 Bak (25m) Stúlkur-Njarðvik Eva Margrét Falsdóttir 100 Skrið (25m) Hnátur-ÍRB Eva Margrét Falsdóttir 100 Skrið (25m) Hnátur-Keflavík Eva Margrét Falsdóttir 100 Bak (25m) Hnátur-ÍRB Eva Margrét Falsdóttir 100 Bak (25m) Hnátur-Keflavík Eva Margrét Falsdóttir 100 Fjór (25m) Hnátur-ÍRB Eva Margrét Falsdóttir 100 Fjór (25m) Hnátur-Keflavík Katla María Riley 50 Skrið (25m) Snótir-Njarðvík Katla María Brynjarsdóttir 50 Bak (25m) Snótir-Njarðvík