Þá er deildarkeppninni í Bónusdeild kvenna lokið, nánar tiltekið almennri deildarkeppni er lokið og nú er búið að skipta deildinni upp í A og B hluta. Liðin í A hluta deildarinnar munu nú keppast um deildarmeistaratitilinn og þrjú efstu liðin munu fara með A hlutanum inn í úrslitakeppnina, 4. sæti í B-hluta situr eftir og 5. sætið fellur um deild. Eftir almennu deildarkeppnina eru Ljónynjurnar okkar í Njarðvík efstar með 26 stig en Valur, Haukar og KR eru öll með 24 stig og Grindavík 22 svo lokaspretturinn í A-hlutanum deildarmeistaratitilinn verður æsispennandi.
Hér að neðan má sjá leikjadagskrá kvennaliðsins í A-hlutanum:
Grindavík-Njarðvík/ 25. febrúar
Njarðvík-Haukar/ 4. mars
KR-Njarðvík/ 22. mars
Njarðvík-Valur/ 25. mars
Við hvetjum alla Njarðvíkinga til að fjölmenna á þessa leiki og styðja okkar konur í baráttunni um deildarmeistaratitilinn. Áfram Njarðvík!
