Ljónynjur sitja ekki auðum höndum þessi misserin og þegar er farið að leggja drög að næstu leiktíð. Uppskera vetrarins öflug með bikarmeistaratitil í farteskinu og silfur í Bónusdeildinni. Nú hefst ný vegferð í veiðilendurnar og þegar hafa Brittany Dinkins, Eylgó Kristín Óskarsdóttir og Krista Gló Magnúsdóttir famlengt samningum sínum við félagið.
Allar þrjár sömdu við Njarðvík til næstu tveggja ára sem er ánægjulegt enda þrír öflugir leikmenn sem allir á sinn hátt settu sitt mark á deildar- og úrslitakeppnina þetta árið.
„Við erum mjög ánægð að framlengja við þessa öflugu leikmenn og við vitum að þær eru staðráðnar í að taka þetta skrefinu lengra næstu leiktíð,” sagði Einar Jónsson nýr formaður Körfuknattleiksdeildar Njarðvíkur við heimasíðu UMFN.
„Þessir þrír leikmenn gefa liðinu ólíka hluti en hver um sig einstaklega mikilvægir liðsmenn svo það er vissulega ánægjuefni að þær hafi allar framlengt veru sinni hjá félaginu. Eygló kom inn í hópinn okkar á miðju síðasta tímabili og Krista var lengi vel að jafna sig á erfiðum meiðslum svo það er spennandi að hafa þær báðar á fullu með okkur frá fyrsta degi,” sagði Einar Árni Jóhannsson þjálfari liðsins.