Bakvörðurinn Dwayne Lautier-Ogunleye hefur framlengt við Njarðvík fyrir tímabilið 2025-2026 og mætir því galvaskur í Bónusdeildina næstu leiktíð.
Dwayne hefur síðustu tímabil skipað sér í flokk með bestu leikmönnum deildarinnar en hann var með 22,8 stig, 5,6 fráköst og 6 stoðsendingar að meðaltali í leik síðasta tímabil.
Kappinn var talsvert frá framan af leiktíð vegna handarmeiðsla en fljótlega eftir áramót komst hann aftur í búning. „Hér er á ferðinni einn af öflugustu leikmönnum deildarinnar og ánægjulegt að Dwayne verði áfram með okkur. Kjarninn okkar styrkist og við erum með hóp sem hefur burði til þess að hafa hátt á næsta leiktímabili,” sagði Einar Jónsson formaður Körfuknattleiksdeildar Njarðvíkur.
Mynd/ Gunnar Jónatansson
