ÍRB á Smáþjóðaleikunum Fjórir sundmenn frá ÍRB voru valdir í sundlandslið Íslands á Smáþjóðaleikunum, Kristófer, Þröstur, Sunneva Dögg og Karen Mist. Okkar keppendur voru þeir yngstu í liðinu og var Karen Mist, 15 ára, sú yngsta í liðinu. Krakkarnir okkar stóðu sig með ágætum miðað við undirbúning sinn. Sunneva Dögg Friðriksdóttir bætti tíma sinn í 200 m flugsundi um 5 sekúndur og varð í 5. sæti. Hún synti á 2. og 3. besta tíma sínum í 400 m skriðsundi og varð 4. í úrslitunum. Í 800 m skriðsundi var hún á næst besta tíma sínum og varð einnig í fjórða sæti. Karen Mist Arngeirsdóttir synti mjög gott 200 m bringusund og vann bronsverðlaun! Frábært! Þröstur Bjarnason synti á 3. besta tíma sínum í 1500 m skriðsundi og varð í fjórða sæti. Kristófer Sigurðsson synti á næst besta tíma sínum í 400 m skriðsundi í úrslitunum. Hann synti fyrsta sprett í 4x200 m boðsundi og synti þar á 6. besta tíma sínum, boðsundliðið vann silfurverðlaun. Vel gert sundmenn. Stór hópur foreldra tók einnig mikinn þátt í mótinu sem sjálfboðaliðar. Frá þeim hefur heyrst að upplifunin hafi verið mjög jákvæð og að fólk hafi notið þess að vera á mótinu. Fimm Íslandsmet voru sett á Smáþjóðaleikunum. Hrafnhildur Lúthersdóttir er í frábæru formi og sló hún fjögur met og sum þeirra með mjög afgerandi hætti metin sem hún sló voru í 100 og 200 bringu og í 200 og 400 fjór Anton Sveinn McKee sló einnig Íslandsmet í 200 fjór. Það er frábær reynsla fyrir okkar ungu sundmenn að vera hluti af svona öflugu liði hæfileikaríkra sundmanna.

Hinir árlegu Akranesleikar fóru fram um síðastliðna helgi. Líkt og venjulega var nokkuð kalt á sundlaugarbakkanum, en þrátt fyrir það virtust allir skemmta sér konunglega á mótinu. Vegna samsetningar hópsins í ár þá breyttum við fyrirkomulaginu þannig að við gistum aðeins eina nótt, og á sunnudeginum þá urðu 11 ára og eldri fram eftir degi en þeir yngri fóru heim. Þrátt fyrir kulda og rok náðust ótrúlega góðir tíma í sumum greinum, nokkur AMÍ lágmörk komu í hús ásamt því að boðsundssveitirnar okkar 10 ára og yngri lofa góðu fyrir framtíðina. En inn á milli birtust þó tímar sem voru ekki alveg það sem lagt var upp með, en af því lærum við því öll keppni fer í reynslubankann og nýtist í framtíðinni. Þrátt fyrir að 10 ára og yngri séu flokkuð í úrslitum þá fengu þau eingöngu þátttökuverðlaun, en hefðu annars unnið til fjöldann allra af verðlaunum. Við vorum eingöngu með fjóra keppendur ellefu ára og eldri sem stóðu sig með stakri prýði, en Aron Fannar Kristínarson vann til tvennra verðlauna. Þetta mót var lokahnykkurinn á tímabilinu fyrir Sverðfiska en Háhyrningar æfa af krafti fram að AMÍ. Við munum síðan verða með lágmarkamót á mánudaginn 8. maí til þess að bæta við greinum fyrir sundmennina. Takk fyrir helgina sundmenn og sjáumst hress í haust. Þjálfarar og fararstjórar. Úrslit og ný met fyrir neðan: Úrslit-einstaklingar Úrslit- boðsund Akranesleikar-met Bergþóra Sif Árnadóttir 100 Skrið (25m) Hnátur-Njarðvík

Smáþjóðaleikarnir voru settir í kvöld og hefst keppni á morgun, þriðjudag. Margir sjálfboðaliðar frá okkur vinna á mótinu alla vikuna. ÍRB á 4 sundmenn á leikunum en ekkert lið á fleiri keppendur. Sunneva Dögg mun keppa í 200 m flugsundi, 400 og 800 m skriðsundi og einnig í boðsundi, Karen keppir í 200 m bringusundi, Þröstur í 1500 m skriðsundi og Kristófer í 200 og 400 m skriðsundi ásamt boðsundi. Við óskum þeim fjórum og öllu íslenska liðinu velfarnaðar og vonum að sjálfboðaliðarnir njóti vikunnar. Upplýsingar um sundhluta Smáþjóðaleikanna er að finna hér: http://www.sundsamband.is/gsse-2015/