Njarðvík heimsækir Grindavík í HS-Orku höllina í Grindavík í kvöld 10. apríl í 8-liða úrslitum Bónusdeildar karla. Leikurinn hefst kl. 19.00 en staðan í einvíginu er jöfn 1-1 þar sem bæði lið hafa náð í sinn sigur á útivelli.
Papas Fanzone opnar 16.30 úti í Grindavík fyrir þá sem vilja vera tímanlega á leikinn og opnað verður í stúkuna á leikvelli kl. 18.00. Miðasala er á Stubbur app
Þá viljum við óska félaginu okkar til hamingju með afmælið en Ungmennafélagið Njarðvík fagnar í dag 82 ára afmæli en félagið var stofnað þann 10. apríl 1944.
Fjölmennum út í Grindavík í kvöld, mætum græn á afmælisdegi klúbbsins og styðjum Ljónin okkar til sigurs! Áfram Njarðvík.