Guðmundur Magnússon gengur til liðs við Njarðvík!
Framherjinn reynslumikli, Guðmundur Magnússon, hefur gert samning við Knattspyrnudeild Njarðvíkur um að leika með liðinu út árið 2026.
Guðmundur er virkilega reynslumikill framherji sem er fæddur árið 1991.
Guðmundur kemur til okkar frá uppeldisfélagi sínu, Fram, þar sem hann er einn af leikjahæstu og markahæstu leikmönnum í sögu þeirra.
Auk Fram hefur Guðmundur leikið fyrir Víking Ólafsvík, HK, Keflavík, ÍBV, Grindavík og Breiðablik.
Alls á Guðmundur 415 leiki á vegum KSÍ ýmist í Bestu deild, og Lengjudeild. Í þeim 415 leikjum hefur hann skorað 131 mark.
Svo sannarlega sterk viðbót í framlínuna hjá Njarðvíkurliðinu fyrir komandi átök í Lengjudeildinni í sumar.
Knattspyrnudeildin býður Guðmund hjartanlega velkominn til Njarðvíkur og hlakkar til að sjá hann á vellinum í grænu treyjunni í sumar!