Guy Smit gengur til liðs við Njarðvík!
Markvörðurinn, Guy Smit, hefur gert samning við Knattspyrnudeild Njarðvíkur um að leika með liðinu út árið 2027, hið minnsta.
Guy er þrítugur markvörður sem er fæddur í Hollandi, en hefur leikið á Íslandi frá árinu 2020 þegar hann kom fyrst til Leiknis Reykjavíkur, þar sem hann hjálpaði þeim að komast upp úr Lengjudeildinni í þá Bestu.
Auk Leiknis hefur Guy leikið með Val, KR, ÍBV og nú síðast Vestra þar sem hann varð bikarmeistari síðastliðið sumar.
Guy er orðinn virkilega reynslumikill leikmaður og hefur leikið tæplega 150 leiki á vegum KSÍ hér á landi.
Virkilega sterk og spennandi viðbót við liðið okkar sem er á fullu að undirbúa sig fyrir komandi leiktíð í Lengjudeildinni.
Von er á Guy til landsins á allra næstu dögum.
Knattspyrnudeildin býður Guy hjartanlega velkominn til Njarðvíkur og vonast eftir farsælu samstarfi næstu árin!