Gylfi Tryggvason nýr þjálfari meistaraflokks kvenna Grindavíkur/Njarðvíkur!
Það er okkur sönn ánægja að tilkynna að Gylfi Tryggvason hefur verið ráðinn sem nýr þjálfari meistaraflokks kvenna hjá sameiginlegu liði Grindavíkur og Njarðvíkur.
Samningurinn gildir út tímabilið 2027 og er þessi ráðning gríðarlega spennandi fyrir framtíð kvennaknattspyrnunnar á Suðurnesjum.
Gylfi kemur til liðsins frá HK, þar sem hann starfaði sem aðstoðarþjálfari meistaraflokks kvenna og þjálfaði einnig yngri flokka.
Reynsla hans nær víðar, en hann hefur áður þjálfað hjá Fylki, Stjörnunni og Árbæ, og er með bæði UEFA B þjálfaragráðu og UEFA youth gráðu.
Gylfi hefur mikla ástríðu fyrir knattspyrnu, sem endurspeglaðist í hlaðvarpi hans sem fjallaði um neðri deildir karla á Íslandi (2. deild og niður úr).
Hlaðvarpið naut mikilla vinsælda og gekk í nokkur ár áður en það hætti á síðasta ári.
Knattspyrnudeildir Grindavíkur og Njarðvíkur binda miklar vonir við þetta samstarf.
Gylfi mun gegna lykilhlutverki í því að leiða kvennaknattspyrnu á Suðurnesjum inn í nýjan kafla með markmiðið að efla liðið og koma því á hærri stall.
Við bindum miklar vonir við að byggt verði upp öflugt lið til framtíðar þar sem ungar stelpur fái tækifæri til að blómstra.
Við bjóðum Gylfa Tryggvason hjartanlega velkominn til Grindavíkur/Njarðvíkur.