Þá er komið að því, leikur þrjú er á dagskrá í Ólafssal miðvikudagskvöldið 7. maí. Úrslitaeinvígi Bónusdeildar kvenna stendur þannig að Haukar leiða einvígið 2-0 og dugir því aðeins einn sigur til viðbótar til að verða Íslandsmeistarar. Leikurinn hefst í Hafnarfirði kl. 19:15 og nú segjum við Njarðvíkingar hingað og ekki lengra kæru Hafnfirðingar!
Röðin er komin að því að Ljónynjur svari rækilega fyrir sig og við í grænu hjörðinni látum okkur ekki vanta í Ólafssal. Travice mun bjóða upp á fríar sætaferðir á leikinn og er hægt að skrá sig hér! Nýtum okkur þetta frábæra tilboð frá Travice og fjölmennum í Hafnarfjörð.
Miðasala á leikinn fer fram á Stubbur app. Þá verða Haukar með FanZone fyrir leik frá kl. 17:45 þar sem borgarar, pizzur, ís og andlitsmálun verða í boði fyrir stuðningsmenn beggja liða.
Leggjum allt í sölurnar, öll saman. Fyrir fánann og UMFN, áfram Njarðvík!
