Körfuknattleiksdeild Njarðvíkur fagnar komu sumarsins með herramönnum félagsins en herrakvöld KKD UMFN fer fram í Safnaðarheimilinu í Innri-Njarðvík miðvikudagskvöldið 19. apríl næstkomandi.
Tilvalin leið til þess að opna undanúrslitin og hrista hópinn saman fyrir seríuna gegn Tindastól! Húsið verður opnað gestum 18.30 og borðhald hefst lauslega eftir 19.00. Kvöldið verður í styrkri stjórn hjá Örvari Kristjánssyni.
Frábær matur á boðstólunum, uppboð, lukkuleikir og Guðlaugur Ómar trúbador tekur lagið.
Miðapantanir fara fram á geirny@grjotgardar.is
