Miðherjinn okkar Pauline Hersler verður frá leik með Njarðvíkurliðinu næstu vikurnar. Hersler er handarbrotin en hún meiddist á æfingu með Njarðvíkurliðinu. Það er því ljóst að Hersler verður frá leik hið minnsta út venjulega deildarkeppni sem lýkur núna 17. febrúar. Hætt er við að hún missi einnig af leikjunum sem fara fram eftir að deildinni verður skipt upp í A og B hluta.
Næstu fjórir leikir eru lokaleikirnir í venjulegri deildarkeppni en í kvöld mætast Njarðvík og Keflavík, ljónynjur heimsækja svo Hamar/Þór 27. janúar, 11. febrúar tekur Njarðvík á móti Ármanni og lokaumferð í deild er 17. febrúar gegn Haukum að Ásvöllum.
