Barna- og unglingaráð Körfuknattleiksdeildar Njarðvíkur mun fram að jólum selja jólakúluna 2024. Ómissandi skraut á jólatréð en að þessu sinni er það okkar ástkæra Ljónagryfja sem prýðir jólakúluna.
Sala á kúlunni hefst næsta föstudag í IceMar-Höllinni þegar Njarðvík tekur á móti ÍR í Bónus-deild karla kl. 19:15. Þá verður kúlan einnig til sölu í Aðventugarði Reykjanesbæjar um aðventuna.
Jólakúlan 2024 var framleidd í mjög takmörkuðu upplagi svo ekki missa af þessu huggulega jólaskrauti. Kúlan kostar 3500 kr. Á leiknum á föstudag og heimaleikjum á meðan birgðir endast verður einnig hægt að leggja inn pantanir í veitingasölu unglingaráðs.