Markvörðurinn Lauren Kellett hefur samið við Grindavík/Njarðvík um að leika með liðinu út næsta tímabil.
Lauren kemur frá Tampa Bay Sun sem unnu bandarísku USL Super League í fyrra. Þar áður lék Lauren með TCU í bandaríska háskólaboltanum.
Hún var valin þar í lið ársins tvö ár í röð og valin besti markvörður deildarinnar.
Lauren er góð að verja skot, staðsetur sig vel og er örugg á boltann.
Gylfi Tryggvason þjálfari liðsins hafði þetta að segja um skiptin: „Lauren er öflugur markvörður með góða reynslu úr háskólaboltanum og úr bandarísku deildinni. Hún passar vel inn í okkar leikstíl og er flottur karakter sem er ekki síður mikilvægt í okkar liði.“
Knattspyrnudeildir Grindavíkur og Njarðvíkur bjóða Lauren innilega velkomna í liðið og hlakkar til að sjá hana í Bestu deildinni með liðinu í sumar!