Lengjubikarnum lokið þetta árið hjá Njarðvíkurliðinu.
Strákarnir mættu virkilega góðu liði KR í dag, og enduðu leikar 5-1 heimamönnum í vil í síðasta leik Lengjubikarsins þetta árið.
Okkar menn enda með 8 stig í riðlinum, eftir 2 sigra gegn ÍR og KA, 2 jafntefli gegn Íslandsmeisturum Víkings Reykjavíkur og Grindavík áður en tapið gegn KR kom í dag.
Við urðum hinsvegar fyrir blóðtöku í vikunni að missa fyrirliða okkar Tómas Bjarka í krossbandaslit, og Oumar Diouck verður einnig frá næstu vikurnar.
Framundan hjá Njarðvíkurliðinu í mars mánuði eru æfingaleikir, æfingaferð til Tenerife og að lokum bikarleikur í 2. Umferð Mjólkurbikarsins þann 30. mars gegn annaðhvort Hvíta Riddaranum eða KH.
Síðan styttist biðin í Lengjudeildina sjálfa sem hefst þann 25. apríl og hlakkar okkur mikið til!
Fyrir Fánann og UMFN!
Mynd: Okkar menn Amin Cosic og Arnór Ingvi Traustason eftir leik – óskum þeim góðs gengis í sumar! 💚