Í kvöld hefst lokaumferðin í venjulegri deildarkeppni í Bónusdeild kvenna. Sjálft toppsætið fyrir skiptingu í A og B hluta er í húfi og Ljónynjurnar okkar mæta Haukum í Ólafssal kl. 19:15.
Njarðvík, KR og Haukar hafa öll 24 stig á toppi deildarinnar en KR leikur gegn Hamar/Þór annað kvöld. Við hvetjum alla Njarðvíkinga til að leggja sér leið í Hafnarfjörðinn í kvöld og styðja okkar konur til sigurs.
Eftir miðvikudag er deildinni skipt upp í A og B hluta og er ljóst núna hvernig skiptingin verður en það eru Njarðvík, Haukar, KR, Valur og Grindavík sem munu skipa A hluta deildarinnar en í B hlutanum verða Keflavík, Stjarnan, Tindastóll, Ármann og Hamar/Þór.
