Njarðvík hefur samið við bandaríska bakvörðinn Luwane Pipkins en Luwane sem verður þrítugur í mars kemur til okkar frá Grikklandi þar sem hann lék síðast.
Auk Grikkland hefur Luwane spilað í Tyrklandi, Slóvakíu, Tékklandi, Georgíu, Norður-Makedóníu og Portúgal á atvinnumannaferli sínum.
Fyrir það átti Luwane flottan háskólaferil þar sem hann lék með UMass fyrstu 3 árin og skipti yfir í
Providence skólann á síðasta árinu.
Hjá Umass afrekaði hann m.a. það að tylla sér í þriðja sæti yfir flest stig skoruð á einu tímabili hjá UMass háskólanum, en í fyrsta sæti á þeim lista situr Julius Erving(Dr.J).
Auk þess sem hann afrekaði á sama tímabili að skora 44 stig í einum leik sem setur hann í 2.sætið í sögu UMass yfir stigahæstu leikmenn í einum leik fyrir skólann.
Hafsteinn Sveinsson, formaður körfuknattleiksdeildar UMFN kveðst ánægður með ráðningu Luwane og hefur skilaboð til Njarðvíkinga: “Nú snúum við Njarðvíkingar bökum saman og gerum allt sem í okkar valdi stendur til að koma liðinu í úrslitakeppnina. Fyllum IceMar höllina á föstudaginn í gríðarlega mikilvægum leik gegn ÍA”
Við bjóðum Luwane hjartanlega velkominn til Njarðvíkur!