Manuel Gavilán gengur til liðs við Njarðvík
Knattspyrnudeild Njarðvíkur hefur gert samkomulag við spænska leikmannin Manuel Gavilán um að leika með félaginu í Lengjudeildinni á lokakafla tímabilsins.
Gavilán kemur til Njarðvíkur frá CD Toledo á Spáni. Hann er reynslumikill leikmaður sem hóf feril sinn hjá stórliðinu Real Betis. Á ferli sínum hefur hann leikið á Spáni (Liga 2 og 3), á Ítalíu (Serie C), í Austurrísku úrvalsdeildinni (Bundesliga) og í Hong Kong þar sem hann varð tvívegis landsmeistari.
Manuel á að baki 12 landsleiki og 2 mörk fyrir yngri landslið Spánar og var Evrópumeistari með U17-ára landsliði Spánar árið 2008.
Hannn er fæddur árið 1991 og getur leyst flestar stöður í fremstu víglínu.
Manuel kemur til landsins á morgun, miðvikudag og verður spennandi að fylgjast með honum í grænu treyjunni.
Knattspyrnudeild UMFN býður Manuel Gavilán hjartanlega velkominn til Njarðvíkur!
Fyrir fánann og UMFN!