Njarðvík mun halda flottar körfuboltabúðir annað árið í röð í samstarfi við Shooting club skotbúðirnar sem hafa farið víðsvegar um Evrópu. Búðirnar eru í umsjá Peter Rajniak sem er aðalþjálfari búðanna sem einblína sérstaklega á skottækni og skot í öllum aðstæðum. Hann er skotþjálfari A-landsliðs Luxembourg og starfar fyrir körfuknattleikssambandi þeirra ásamt því að sinna verkefnum með öðrum landsliðum og félagsliðum tengt skottækni.
Búðirnar verða 29.-31. maí í IceMar Höllinni í Njarðvík. Þetta eru þriggja daga búðir og bætist við einn dagur frá því á síðasta ári . Peter er fyrrverandi atvinnu- og landsliðsmaður og tenging hans við Njarðvík er að hann og Logi Gunnarsson voru liðsfélagar á Spáni sem atvinnumenn.
Flottir gestaþjálfara heimsækja búðirnar, þar má nefna Rúnar Inga Erlingsson þjálfara meistaraflokks karla en Rúnar þekkja flestir en hann á farsælan þjálfaraferil þrátt fyrir ungan aldur. Rúnar gerði kvennalið félagsins að Íslandsmeisturum árið 2022 og var valinn þjálfari ársins árið 2025 í bónus deild karla. Rúnar hefur einnig þjálfað yngri landslið Íslands.
Annar þjálfari búðanna er hinn bandaríski Rory Richeson frá Arizona. En hann hefur einblínt sérstaklega á einstaklings þjálfun yngri leikmanna , hann vinnur bæði með háskólaleikmönnum og menntaskólaleikmönnum í Bandaríkjunum.
Íslenskir landsliðsmenn bæði frá A landsliðum kvenna og karla heimsækja búðirnar og fara yfir sínar uppáhalds skotæfingar sem þau vinna sérstaklega í til að bæta sinn leik.
Fleiri þjálfara munu koma í heimsókn í búðirnar og verða tilkynntir á næstu dögum.
Hér eru allar upplýsingar um búðirnar og skráningarlinkur á skotbúðirnar
Við mælum með að allir skrái sig sem fyrst því á síðasta ári var uppselt í búðirnar. Búðirnar eru í boði fyrir iðkendur fædda 2007 til 2016. Búðirnar verða aldursskiptar, upplýsingar um tíma hvers aldurs er í skráningar linknum. Allir fá boli og sokka merkta búðunum. Iðkendur annara félaga eru einnig velkomnir. ‘