Úrslitakeppnin heldur áfram í kvöld og nú er komið að karlaliðinu sem tekur á móti Þór Þorlákshöfn kl. 19.30 í Ljónagryfjunni. Staðan í einvíginu er 1-1 en það lið sem fyrr vinnur þrjá leiki kemst áfram í undanúrslit.
Okkar menn unnu fyrsta leik á 80 ára afmælisdag félagsins en í öðrum leiknum var stór þristur sem felldi okkar menn á lokasprettinum. Það er nokkuð ljóst að í kvöld er þörf á iðjagrænni stúku enda ætti enginn að láta sig vanta. Góður bolti, gómsætir hamborgarar á boðstólunum og það allt á besta skemmtistað bæjarins, Ljónagryfjunni.
Tendrað verður upp í grillunum um kl. 17.30 í dag og skömmu þar á eftir geta allir mætt og gætt sé á borgurum og átt skemmtilega stund saman fram að leik.
Úrslit leikjanna í einvíginu til þessa:
Leikur 1: Njarðvík 87-73 Þór Þorlákshöfn
Leikur 2: Þór Þorlákshöfn 95-92 Njarðvík
Leikur 3: Ljónagryfjan 18. apríl kl. 19.30
![](https://umfn.is/wp-content/uploads/2019/10/agseafood.png)