Njarðvík tekur á móti Vestra í 8-liða úrslitum Geysisbikars karla í Ljónagryfjunni kl. 19:15 í kvöld. Sigurlið kvöldsins öðlast þátttökurétt í undanúrslitahelginni sem fram fer í Laugardalshöll.
Vestri er sýnd veiði en alls ekki gefin enda unnu þeir sér sæti í 8-liða úrslitum eftir frækinn sigur á Haukum. Ljónin hungrar engu að síður í farmiða í Laugardalshöll enda langt um liðið. Njarðvíkingar fjölmennum á pallana og styðjum okkar menn í baráttunni fyrir farseðlinum inn í Laugardal!
Þeir sem komast ekki í kvöld geta fylgst með leiknum á Jakinn TV sem ætlar að sýna í beinni.
Þá eru tveir aðrir leikir í bikarnum í kvöld en þeir eru:
ÍR – Skallagrímur
KR – Grindavík
Á morgun mætast svo Tindastóll og Stjarnan í síðasta leik 8-liða úrslitanna.