Subway-deildin fer vel af stað hjá okkar konum sem unnu öflugan 71-61 sigur á Fjölni í annarri umferðinni í gærkvöldi.
Skemmtilegur bragur var á leiknum þar sem iðkendur í minnibolta slógu skjaldborg um völlinn í upphitun.
Framan af leik var hittni okkar kvenna eitthvað að láta á sér standa en í síðari hálfleik sneru þær bökum saman og uppskáru verðskuldaðan sigur.
Allyah var með svaka tvennu eða 17 stig og 18 fráköst en hún bætti einnig við 7 stoðsendingum og 4 stolnum boltum. Helena Rafnsdóttir gerði 15 stig og tók 2 fráköst og Kamilla Sól kom sterk inn af bekknum með 9 stig.
Umfjöllun annarra miðla um leikinn gegn Fjölni:
Karfan.is – viðtal við Rúnar Inga
