Njarðvík hefur samið við króatíska bakvörðinn Sven Smajlagić en þessi 35 ára gamli leikmaður hefur m.a. verið á mála hjá Cibona og á að baki leiki í Euroleage. Smajlagić er 196cm að hæð og varð m.a. bikarmeistari í Króatíu 2023 og deildarmeistari í Bosníu árið 2018.
„Við erum að bregðast við breyttum raunveruleika eftir meiðsli Mario og erum að finna hvernig best sé fyrir okkur að spila og finna fleiri sigra á nýju ári. Við erum að fá inn öðruvísi týpu en Sven er hár, góður skotmaður og með reynslu úr sterkum deildum. Þá getur hann varist fjölbreyttum leikmönnum og við erum að sjálfsögðu að vonast til að hann sé púslið til að gera okkur að betra liði,” sagði Rúnar Ingi Erlingsson þjálfari karlaliðs Njarðvíkur.
Hafsteinn Sveinsson formaður Körfuknattleiksdeildar Njarðvíkur kvaðst einnig ánægður með Sven og að hann væri væntanlegur til landsins fljótlega eftir áramót.
Mynd/ Cibona/ Marin Susic
