Sölvi Steinn Sigfússon skrifar undir!
Sölvi Steinn Sigfússon hefur skrifað undir sinn fyrsta samning við Knattspyrnudeild Njarðvíkur sem gildir út árið 2029.
Sölvi Steinn er efnilegur leikmaður fæddur árið 2007 sem hefur leikið með yngri flokkum félagsins og á þar að baki einn meistaraflokksleik á vegum KSÍ frá árinu 2023 í Lengjubikar karla.
Nýtt þjálfarateymi Njarðvíkur hefur mikla trú á Sölva sem hefur verið að æfa vel, og spilað í þó nokkrum æfingaleikjum í vetur, og staðið sig virkilega vel sem skilar honum nýjum samning hjá félaginu.
Hinsvegar varð Sölvi á dögunum fyrir því óhappi að viðbeinsbrotna á æfingu, og er því frá keppni eins og er, en mun koma tvíefldur til baka.
Knattspyrnudeildin óskar Sölva innilega til hamingju með nýja samninginn!