Úrslitaeinvígi Njarðvíkur og Keflavíkur fór af stað með látum í gærkvöldi þegar tvíframlengja varð leikinn. Keflavík marði sigurinn í þetta skiptið og leiðir einvígið því 1-0 en Ljónynjurnar okkar ætla sér ekkert annað en að jafna það á sunnudag 19. maí þegar liðin mætast í sínum öðrum leik.
Njarðvíkurliðið fékk þónokkur tækifæri til að gera út um leikinn en svona er þetta stundum, við bítum í það súra og trukkum áfram okkar leið.
Selena Lott fór mikinn í leiknum með 39 stig og 14 fráköst sannkölluð tröllatvenna og Hesseldal blandaði sér í tvennuleikinn með 15 stig og 20 fráköst.
Fylgist vel með á miðlum UMFN því innan skamms hefst miðasala á leik tvö á Stubbur-App.
Hér að neðan má nálgast helstu umfjallanir og myndir eftir leik eitt:
VF.is: Keflavík vann fyrsta leikinn eftir tvíframlengingu
VF.is: Myndasyrpa úr fyrstu viðureign úrslita Subwaydeildar kvenna
Karfan.is: Thelma Dís hetja Keflavíkur eftir tvíframlengdan naglbít á Sunnubrautinni
Karfan.is: Gífurlega vonsvikin (viðtal við Enu Viso)
Vísir.is: Tvíframlengdur spennutryllir
Vísir.is: Svíður mjög mikið að við séum ekki nógu klókar til að klára
Mbl.is: Tvíframlengd háspenna í fyrsta leik
Ruv.is: Keflavík með fyrsta höggið í Suðurnesjaslagnum
Mynd með frétt/ SBS
