Tveir ungir Njarðvíkingar með sína fyrstu meistaraflokksleiki á vegum KSÍ!
Viktor Leó Elíasson spilaði sinn keppnisleik á vegum KSÍ fyrir meistaraflokk Njarðvíkur í dag í jafntefli gegn Íslandsmeisturum Víkings Reykjavíkur.
Viktor er virkilega efnilegur leikmaður sem er fæddur árið 2009, en hann skrifaði undir sinn fyrsta samning við Njarðvík í júní í fyrra.
Þá hafði Páll Guttormsson, sem er einnig alinn upp hjá Njarðvík spilað sinn fyrsta meistaraflokksleik á vegum KSÍ í sigrinum gegn ÍR í fyrstu umferð Lengjubikarsins.
Páll er fæddur árið 2006 og er ný búinn með sinn yngri flokka feril hjá Njarðvík.
Knattspyrnudeildin óskar drengjunum til hamingju með áfangana!