Úrslitakeppnin í Bónus-deild kvenna hefst í kvöld 30. mars þegar Ljónynjurnar okkar í Njarðvík taka á móti Tindastól í 8-liða úrslitum. Njarðvík lauk leik í 2. sæti deildarinnar og Tindastóll í 7. sæti en hinar rimmurnar í 8-liða úrslitum eru Haukar-Stjarnan, KR-Keflavík og Valur-Grindavík.
Nú er ráð að flagga, draga fram græna bolinn og fjölmenna á pallana og styðja Njarðvík til sigurs. Það lið sem fyrr vinnur þrjá leiki kemst áfram í undanúrslit. Njarðvík vann fyrsta deildarleikinn gegn Tindastól 92-70 í IceMar-Höllinni en Stólarnir kvittuðu fyrir það í næstu viðureign með 99-91 sigri í framlengdum slag rétt fyrir jól.
Tryggið ykkur miða á Stubbur-app
Áfram Njarðvík!
