Alexander Helgi Sigurðarson gengur til liðs við Njarðvík!
Alexander Helgi kemur til liðs við okkur á láni frá Bestu deildar liði KR.
Alexander er uppalinn Bliki, og á yfir 100 meistaraflokksleiki á vegum KSÍ með Breiðablik auk fjöldans allan af Evrópuleikjum.
Alexander varð Íslandsmeistari með Breiðablik árið 2024, en skipti síðan yfir í KR þar sem hann lék 17 leiki í Bestu deildinni í fyrra.
Auk Breiðabliks og KR hefur Alexander leikið fyrir Víking Ólafsvík, og Vasalunds IF í Svíþjóð ásamt því að hafa verið í unglingaliðum AZ Alkmaar í Hollandi.
Alexander á þar að auki yfir 20 yngri landsleiki fyrir Íslands hönd.
Alexander sem er fæddur árið 1996 kemur til með að þétta raðirnar fyrir okkur á miðjunni og mun koma til með að bæta mikilli reynslu og gæðum við lið Njarðvíkur sem er í óðaönn að undirbúa sig fyrir Lengjudeildina.
Knattspyrnudeildin býður Alexander Helga hjartanlega velkominn til Njarðvíkur og hlakkar til að sjá hann á JBÓ vellinum í Njarðvíkur treyjunni í sumar!