Arnar Helgi Magnússon orðinn leikjahæstur í sögu Knattspyrnudeildar Njarðvíkur!
Arnar jafnaði met Kristins Arnar Agnarssonar í síðasta leik þegar hann jafnaði leikjamet hans uppá 266 leiki en gerði gott um betur og lék sinn 267 leik fyrir Ungmennafélagið í gærkvöldi í frábærum 5-1 sigri á ÍR þar sem Arnar stóð vaktina í vörninni.
Arnar er á sínu tíunda tímabili hjá Njarðvík en hann gekk til liðs við okkur frá uppeldisfélagi sínu FH árið 2016 og hefur staðið sig vel innan sem utan vallar hjá okkur.
Í þeim 267 leikjum sem Arnar hefur spilað hefur hann einnig skorað 20 mörk.
Knattspyrnudeildin óskar Arnari innilega til hamingju með að vera orðinn sá leikjahæsti og hlakkar til að sjá hann bæta enn fremur í leikjafjöldann í grænu treyjunni! 💚
