Kenny Hogg kveður Njarðvík!
Eins og glöggir Njarðvíkingar hafa tekið eftir þá hefur einn okkar allra besti, Kenny Hogg, ekki verið hluti af Njarðvíkurliðinu í vetur og upphafi leiktíðar en Kenny kveður nú Njarðvíkurliðið eftir um 9 ár hjá Njarðvík.
Knattspyrnudeild Njarðvíkur og Kenny Hogg ákváðu það í mesta bróðerni að ljúka samstarfi sínu eftir virkilega farsæl 9 ár saman þar sem Kenny hefur afrekað ansi margt í grænu treyjunni.
Kenny er sem stendur markahæsti leikmaður í sögu Njarðvíkur með 75 mörk í 227 leikjum, sem gerir hann jafnframt að þriðja leikjahæsta leikmanni í sögu félagsins.
Kenny hefur tvisvar sinnum farið upp um deild með Njarðvíkurliðinu, átt sinn þátt í besta árangri í sögu félagsins, og hefur borið fyrirliðabandið síðustu ár.
Umfram allt hefur Kenny staðið sig með virkilegum sóma innan sem utan vallar í hvert skipti sem hann hefur borið Njarðvíkurmerkið á brjósti sér.
Við viljum koma innilega þökkum til Kenny fyrir sitt framlag til félagsins í öll þessi ár allt frá því að hann kom til okkar frá Tindastól árið 2017.
Vonumst að sjálfsögðu að sjá hann á áhorfendapöllunum hjá okkur í sumar og óskum honum góðs gengis í næstu verkefnum, hver sem þau verða.
Við munum koma til með að heiðra/þakka Kenny fyrir á fyrsta heimaleik tímabilsins gegn Fylki á morgun á JBÓ vellinum, klukkan 19:15.
Hvetjum við Njarðvíkinga til að mæta og þakka Kenny fyrir sín störf með okkur.
#TakkKenny
